2017(e)ko ekaina 23, ostirala

UDAN ERE IRAKURTZEN

Ikasturte honi agur esateko eguna iritsi zaigu. Baina horregatik ez diogu irakurtzeari utziko.
Hona hemen udako gomendioak.
Hurrengo kurtsoan berriz ikusiko dugu elkar. Uda ona pasa!!!!

BEGEL UDA 2017ACEX BIZKAIA UDA 2017


DONOSTIAKULTURA
GOMENDIO GEHIAGO IRAKURKETA GIDAK ATALEAN



2017(e)ko ekaina 22, osteguna

IKASTURTE HONETAKO IRAKURLE AMORRATUAK

Ezagutzen dituzue? Hauek liburu gehien mailegatu dituzten ikasleak ditugu. 
ZORIONAK eta hurrengo urtean ere horrela segi!
(Oier eta June anai-arrebak falta zaizkigu oporretan daudelako)



2017(e)ko ekaina 19, astelehena

IPUIN BAT ENTZUN NAHI?

Gure LH 4ko ikasleak ipuin kontalari bikainak direla erakutsi digute. Entzun nahi al dituzue?
Bideo hauetan bi ipuin dituzue:
JOSETXO HARGINA eta HITZEN LAPURRA.


JOSETXO HARGINA from Liburutegia Ikasbide on Vimeo.



HITZEN LAPURRA from Liburutegia Ikasbide on Vimeo.

2017(e)ko maiatza 28, igandea

ANTXIÑE MENDIZABAL IKASBIDE MEDIATEKAN

Joan den ostiralean Antxiñe Mendizabal idazlea eta Ikasbideko 4. mailako ikasleak gustura aritu ziren berriketan.
Antxiñek esan zigun idazlea izateko arreta oso garrantzitsua dela eta gure neska-mutilak arretatsu egon zirelako froga ondorengo bideoan duzue.


ANTXIÑE MENDIZABALEKIN HIZKETAN from Liburutegia Ikasbide on Vimeo.

2017(e)ko maiatza 25, osteguna

ZEIN ARTELANETAN GUSTATUKO LITZAIZUKE BIZITZEA?


¿EN QUÉ OBRA DE ARTE TE GUSTARÍA VIVIR?

Egilea: VIOLETA MONREAL
Argitaletxea: ANAYA
    Bilduma: Preguntas para mentes despiertas

Liburu hau irakurri eta gero, 6. mailako artistek bertsio berriak egin dituzte.
Ikusi nahi badituzu KLIK egin ondorengo irudietan.








2017(e)ko apirila 23, igandea

APIRILAREN 23an, LIBURUAREN NAZIOARTEKO EGUNA 2017

Izan ere, orduantxe, apirilean, hil baitzen Shakespeare eta baita Cervantes ere, 1616an.



Donostiako Liburuaren Nazioarteko Eguna ospatzeko Jokin Mitxelenak irakurpuntu hau egin du.



Egun honetan eta hurrengoetan ere GOZATU IRAKURTZEN!!!!

2017(e)ko martxoa 27, astelehena

HAUR LIBURUAREN EGUNA 2017 IKASBIDEN

Aste honetan Haur Liburuaren Eguna ospatuko dugu ikastolan. Hona hemen aste osoko jarduerak:

EGITARAUA
Ikasbide Ikastolaren 50 urteurrenarekin bat eginik

    
BERTAN UTZI ETA IRAKURRI
ASPALDIAN BEZALA,
KONTU-KONTARI

ERAKUSKETAK
“50 urte, 50 liburu”
“Ipuinak LEHEN
eta ORAIN”
9:45-10:00
EGUNERO
Martxoaren
27 - 31
eskola osoa



11:30



HH
HHko geletan

11:30

LH 1,2,3,4
Mediateka eta gelak

Astean zehar


      


Mediatekako sarreran

ANIMATU ETA PARTE HARTU GUREKIN!!

2017(e)ko martxoa 23, osteguna

HAUR LIBURUAREN NAZIOARTEKO EGUNA

1967. urtetik, apirilaren 2an, Hans Christian Andersen danimarkar idazlearen jaiotegunean hain zuzen, Haur Liburuaren Nazioarteko Eguna ospatzen da.

Urtero, herrialde bateko idazle bat eta ilustratzaile ezagun bat hautatzen dira mundu osoko haurrei bidaltzen zaien mezua eta kartela egin ditzaten.

Aurten ERRUSIA izan da aukeratutako herrialdea.


Ilustrazioa Mikhail Fedorov
Idazlea Sergey Makhotin
Itzulpena: YanaShvedova / Iñaki Mendiguren

MEZUA:

Haurtzaroaren hasieran maite nuen etxeak eraikitzea bloke eta mota guztietako jostailuak erabiliz.Teilatuaren ordez, sarri erabiltzen nuen haurrentzako liburu irudiztatu bat. Ametsetan etxeraino igotzen nintzen, pospolo kaxaz egindako ohean etzan eta hodeietara edo zeru izartsura begira egoten nintzen, betiere gogokoen nuen ilustrazioaren arabera egoten zen.
Intuizioz, haur bakoitzaren bizi-arauari jarraitu nion, ingurune eroso eta segurua sortzea bilatzen baitu. Eta haurren liburu batek benetan lagundu zidan hori lortzen.
Gero, handi egin nintzen, irakurtzen ikasi nuen, eta nire irudimenean liburu bat etxeko teilatua baino gehiago tximeleta, edo txori bat ere, izaten hasi zen. Liburuaren orriek hegoen antza zuten eta firfira egiten zuten. Bazirudien leiho-ertzean zegoen liburua laster irtengo zela hegan, zabaldutako leihotik leku ezezagunetara joateko. Eskuetan hartu eta irakurtzen hasten nintzen, eta liburua lasaitzen hasten zen. Gero liburuari jarraitzen nion beste lurralde eta mundu batzuetara, nire irudimena ere hedatuz joaten zelarik.
A zer poza liburu berri bat eskuetan izatea! Hasieran ez dakizu zertaz den! Kontra egiten diozu liburua azken orrialdetik zabaltzeko tentazioari. Eta zein usain gozoa duen! Ezinezkoa da usain hori bere osagaietan banatzea: inprimategiko tinta, lekeda… ez, ezin da! Liburu baten usain berezia da, kilikagarria eta paregabea. Orrialde batzuen puntak elkarri itsatsita egoten dira, liburua oraindik esnatu ez balitz bezala. Irakurtzen hasten zarenean orduan esnatzen da benetan.
Hazten ari zara eta inguruko mundua gero eta konplikatuagoa da. Helduek ere erantzun ezin dituzten galderak sortzen zaizkizu. Hala ere, oso garrantzitsua da zure zalantzak eta sekretuak norbaitekin partekatzea. Eta orduan berriro ere liburu bat dator zure laguntzan. Segur aski gutariko askok pentsatu izan du “liburu hau niri buruz idatzita dago!”. Eta gehien atsegin duzun pertsonaiak bat-batean zu bezalakoa ematen du. Arazo berberak bizi ditu eta duintasunez moldatzen da horiekin. Beste pertsonaia batek, berriz, ez du batere zure antzik, baina zuretzat eredu izatea gura zenuke, hura bezain ausart eta buruargia izan nahi zenuke.
Neska edo mutilen batek “Ez zait gustatzen irakurtzea!" esaten duenean, irribarre egiten dut. Ez diet sinesten. Ziur nago izozkia jan, jolas egin eta film interesgarriak ikusten dituztela; beste era batera esanda, gustatzen zaiela ondo pasatzea. Irakurketa ez da sentimenduak eta nortasuna garatzeko zeregin neketsu bat, baizik eta, batez ere, plazer edo atsegin handi bat.
Hain zuzen ere, horretarakoxe idazten dituzte idazleek haurrentzako liburuak!

2017(e)ko martxoa 19, igandea

2. MAILAKO ARTISTAK: SLEEPTAK BIDEOEKIN IKASITAKO ESKULANAK

Duela egun batzuk SLEEPTAK bideoak gomendatu nizkizuen.
Gure bi lagun hauek bideoetan ikasitako eskulanak egin eta erakutsi dizkigute.
Begira ze artistak!!!



 

2017(e)ko otsaila 22, asteazkena

2017(e)ko otsaila 7, asteartea

GURE GOMENDIOA: NEU NAIZ EDERRENA


NEU NAIZ EDERRENA
Egilea: MARIO RAMOS
Argitaletxea: TTARTTALO


EZAGUTZEN AL DUZUE IPUIN HAU?

OSO OSO DIBERTIGARRIA DA ETA GURE 2. MAILAKO ARTISTEK PRIMERAN PASA ZUTEN ISTORIO HORI TXOTXONGILOEKIN ANTZEZTEN.





2017(e)ko urtarrila 17, asteartea

KOMIKI BAT EGIN NAHI DUZU?

PLAYCOMIC web orrialdean modu erraz-errazean komikiak egin ditzakezu.
KLIK egin hurrengo irudian eta zure irudimena erabil ezazu!


2017(e)ko urtarrila 16, astelehena

SLEEPTAK: BIDEOAK EUSKARAZ

Kanal honetan umeentzako egokiak diren bideoak aurkitu ditzakezu, euskaraz ikasi, jolastu eta amesteko! ZIENTZIA, NATURA, ESKULANAK, ERREZETAK... Zuri eta Slyk-en laguntzaz!
 SLEEPTAK
KLIK EGIN IRUDIAN BIDEOAK IKUSTEKO

2016(e)ko abendua 20, asteartea

EGUBERRIETAKO IRAKURKETA GIDA

Urtero bezala, hemen dituzue Gipuzkoako Eskola-Liburutegien gomendioak:

 2016ko EGUBERRIAK

EGUBERRI ON!!!
Urtarrilean berriz elkar ikusiko dugu. Bitartean... atsedena hartu, jolastu eta ipuin politak irakurri.

2016(e)ko abendua 18, igandea

EGUBERRIETAKO POSTALAK LIBURUTEGIAN

Begira ze ideia politak aurkitzen ditugun liburuetan!




DECORA TU NAVIDAD                                                 Argitaletxea: EDELVIVES

2016(e)ko abendua 6, asteartea

EUSKARAREN EGUNEAN, UMOREA LIBURUTEGIAN


Zenbat barre joan den ostiralean!! Euskararen Eguna ospatzeko gure lagun ausartek txiste pila kontatu zizkiguten. Irudietan KLIK egiten baduzue haietako batzuk entzun ahal izango dituzue.




2016(e)ko azaroa 22, asteartea

IKASLEOK GOMENDATZEN DUGU


HILDA Y EL TROL

Egilea: LUKE PEARSON
Argitaletxea: BARBARA FIORE





Hilda mendian bizi den neska bat da eta behin liburu bat irakurtzen ari zen trolei buruz eta mendira doa marraztera (asko gustatzen zaio), eta bat batean...
beno, ez dizuet kontatuko, irakurri behar duzue zuek.

Niri asko gustatzen zait fikzioa eta pertsonai hauek: erraldoiak, trolak, egurrezko pertsonak, iratxoak, etab. Hildak normal-normalak izango balira ikusten ditu.

Hilda oso bilduma polita da, gure liburutegian 3 liburu ditugu eta oso gomendagarriak dira. Berdin da zer ordenetan irakurri, beti gustatuko zaizue.

IBONE LH6

2016(e)ko azaroa 8, asteartea

MALETA IBILTARIAK HASI DU IKASTURTE HONETAKO BIDAIA

Aurten ere liburuz betetako maleta 3. mailako ikasleei iritsi zaie eta ikasturtean zehar etxez etxe ibiliko da, handi eta txikien gozamenerako.
BIDAI ON!!



Related Posts Plugin for WordPress, Blogger...